Pambıqçıların aylardan bəri sevgi və qayğı ilə əkib-becərdikləri pambıq bu il də, öz bəhrəsini verməyə başlayıb. Hazırda əkin sahələri elə bil ki, bəyaz dona bürünüb. “Aztəsərrüfat” MMC-nin balansında olan Salyan Aqroparkında , Neftçala və Sabirabadda sentyabrın 15-dən fermerlər ilk pambıq yığımına başlayıb. Qeyd edək ki, sentyabrın 25-dən sonra kütləvi pambıq yığımı icra olunacaq. Hər bir kənd təsərrüfatı məhsulunun yığılma vaxtı və texnikası fərqlidir, eləcə də pambıq bitkisini də nə vaxtından öncə nə də ki, əvvəl yığmaq olmaz. Bu, həm pambığın keyfiyyətinin aşağı düşməsinə həm də, məhsul itkisinə səbəb olur. Beləliklə vaxtında və səmərəli gördüyümüz işlər, tədbirlər bol məhsulun olacağına zəmin yaradır. Xatırladaq ki, ötən il “Aztəsərrüfat” MMC-nin balansında olan əkin sahələrindən 32 sentner pambıq yığılıb. Bu il bu rəqəmin 38 sentner olacağı proqnozlaşdırılır. Zəhmət-nəticəsi uğurlu olanda sevindirir, qürurlandırır.
