“Aztəsərrüfat” MMC -nin direktoru Aydın Dəmirov: Uğurlarımızın əsasını möhkəm təməlimiz və birliyimiz təşkil edir.

“Aztəsərrüfat” MMC 29 noyabr 2016 -cı ildə təsis edilib. Kənd təsərrüfatının bir çox istiqamətlərində uğurla fəaliyyət göstərən şirkətin prioritet sahəsi pambıqçılıqdır. Artıq 8 ildir ki, qeyri-neft sektorunun inkişafına öz töhfəsini verən şirkət, həyata keçirdiyi böyük layihələr və  işlərlə qısa zamanda saysız-hesabsız uğurlar qazanır. Noyabrın 29 da Salyanda yerləşən  Aqroparkda  böyük  və zəhmətkeş Aztəsərrüfat ailəsi  bir araya gələrək şirkətin 8 illiyini qeyd edib. “Aztəsərrüfat” MMC   şirkətinin direktoru Aydın Dəmirov tədbir iştirakçılarını bu özəl gün münasibəti ilə təbrik edib, işlərində və gələcək fəaliyyətlərində uğurlar arzu edib. O, çıxışında gələcək planlardan, vəzifə  və hədəflərdən də söhbət açıb. Uğurumuzun  açarı vətənə-torpağa olan  sevgimiz, işimizə olan hörmət,  möhkəm və sarsılmaz təməlimizdir deyən Aydın Dəmirov ölkə iqtisadiyyatının gücləndirilməsində “Aztəsərrüfat” MMC -nin  rolundan, pambıqçılıq sahəsinin ölkədə gündən-günə  inkişafından danışaraq, bu sahəyə dövlət qayğısını xüsusi ilə vurğulayıb. O, Şirkətin yeniliklərə və sınaqdan uğurla çıxan beynəlxalq təcrübələrə hər zaman açıq olduğunu da bildirib. Dünya ticarət bazarında sabit, dayanıqlı mövqeyimizi qorumaq üçün əzm və iradə ilə çalışmalı, birliyimizi qoruyub saxlamalı, inamla ancaq və ancaq irəli getməliyik deyən Aydın Dəmirov rəhbər kimi bu istiqamətdə hər zaman hər bir əməkdaşın, işçinin və şirkətin tərəfdaşlarının  yanında olacağını qeyd edib. Tədbir çıxışlar və  diskussiyalarla yekunlaşıb. Sonda isə xatirə şəkilləri çəkdirilib.